Integrated Farming System

Sabat sa Krisis sang Ekonomiya

By Dr. Nelson C. Berondo

Extension Coordinator

Capiz State University Mambusao Campus

Sa Pilipinas, panguma ang primera nga trabaho. Bangud sini, ang gobierno naglansar sang madamo nga mga programa kag proyekto para sa pagbulig sa mga mangunguma nga mapadako ang ila nga kita.

Ang mga programa nga ginlansar, pareho abi sang Masagana 99, Masaganang Maisan, Gulayan sa Kalusugan, Green Revolution, Bakahan sa Barangay, Animal Dispersal kag iban pa, may mayo nga mga motibo ukon lalambuton nga makahatag gid sing daku nga benepisyo sa mga mangunguma. Apang ang amo nga mga programa indi masyado nga nagin madinalag-on walay sapayan sang daku nga gastos kag kabudlay sang gobierno.

The Penalosa Farms, Victorias City, Negros Occidental
practices integrated natural farming systems by raising
poultry along with crops and vegetables.

Isa sa mga paagi nga mapasanyog ang agrikultura sang pungsod amo ang pagsunod sa programa o teknolohiya nga ginatawag Integrated Farming System. Ini nga teknolohiya amo ang pagpatubo sang nahanari-sari nga mga tanom pareho abi sang palay kag utanon, ka gang paghupot sang sari-sari nga mga hayop kag isda, sa bisan isa ka diutay lang nga bakante nga duta.  Sa sini nga paagi ang isa ka ektarya nga duta mahimo makasuportar sa mga kinahanglanon sang isa ka mangunguma kag ang iya pamilya.

Ang Panay State Polytechnic College Extension Institute nagasunod sa sini nga teknolohiya. Ang mga ehemplo amo ang mga masunod—mais, mungo, soybeans ukon bush sitao, palay, isda kag utanon; palay, gabi kag iban nga utanon; azolla, tilapia, gabi kag tangkong; saging, kamote kag okra; niyog, mais kag balinghoy; niyog, talong kag palay; niyog, saging kag pinya; saging gabi kag lanzones; niyog, saging,pinya, kapayas kag tabako; niyog, sweet pepper, lanzones, coffee kag pinya; kag iban pa.

Reference
The PSPC Extension Bulletin 1:1. April–June 1986. Mambusao, Capiz: Panay State Polytechnic College, 7.