By Erna Ticar
Capiz State University
Mambusao Campus
Isa sa mga pinakaimportante nga kinahanglanon sang mga mangunguma sa ila uma amo ang binhi nga humay. Agud magsingil sing maayo, dapat gid naton nga talupangdon ang iya nga mga kinahanglanon.
Tubig
Ang pagsalupsop sang tubig amo ang nahauna nga kinahanglanon sang binhi agud magsingil. Huluman ang binhi sa sulod sang 24 ka oras agud madali kag alalangay ang pagsalupsop sang tubig sa binhi.
Hangin
Nagakinahanglan ang nagasingil nga binhi sang hangin agud mabuhi. Kon an binhi malapawan sang tubig, mahinay ang pagtubo sang alibutod, nga magaresulta sa sa maluya nga singil.
Maalabaab nga temperatura
Kinahanglan ang maalabaab nga temperatura agud mapadasig ang tubo sang binhi. Panumdumon nga 30ºC ang pinakamaayo nga temperatura agud magsingil ang binhi. Ang magnubo diri makapahina sang tubo sang binhi, kag kon maglabaw sa 40ºC nga kainiton, indi magsingil ang binhi.
The PSPC Extension Bulletin 2 (January–March 1987): 1, 7. Mambusao, Capiz: Panay State Polytechnic College.
